Unitedi ndër favoritët për shërbimet e De Ligt

22:51 | 25 Maj 2019
Arbresh Info

Manchester Unitedi është shumë afër ta transferojë shënjestrën e Barcelonës dhe Juventusit, Matthijs de Ligt, bën të ditur Reddit ITK.

Mbrojtësi holandez ka kohë që po lidhet me disa klube evropiane, gjersa është njëri ndër lojtarët më të kërkuar deri më tani.

Paraqitjet në sezonin që lamë pas te Ajaxi ishin fenomenale, duke bërë që shumë skuadra të vihen pas tij, mirëpo një burim nga Holanda i “ITK Reddit” i njohur ndryshe me shkurtesën “Spoofex”, raporton se Djajtë e Kuq po e transferojnë De Ligtin.

Sipas këtij burimi, Djajtë e Kuq do të paguajnë 85 milionë euro për ta transferuar mbrojtësin holandez që po kërkohet nga Juventusi dhe Barcelona.

Spoofex gjithashtu ka bërë të ditur se Unitedi është duke e ndjekur nga afër edhe Kalidou Koulibalyn, mirëpo Napoli kërkon shumën e majme prej 120 milionë euro. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm